Uzun illər davam edən xəstəlikdən sonra 38 yaşlı pasiyent 33 yaşlı qardaşının donorluğu ilə Yeni Klinikada həyata keçirilən böyrək transplantasiyası sayəsində sağlamlığına qovuşub.
 

Əməliyyat Cərrahiyyə və transplantasiya mərkəzinin rəhbəri, cərrah-transplantoloq Eldar Əhmədovun rəhbərliyi ilə ümumi cərrahlar Lalə İsmayılova, Günay Allahverdiyeva və həkim-anestezioloq-reanimatoloq Mayıl Sədiyevin iştirakı ilə icra edilib.
 

Donor üzərində laporoskopik (qapalı) üsulla həyata keçirilən əməliyyatdan və böyrək transplantasiyasından sonra hər iki pasiyentin vəziyyəti qənaətbəxş qiymətləndirilib.
 

Qeyd edək ki, böyrək transplantasiyası əməliyyatları icbari tibbi sığorta hesabına tam qarşılanır ki, bu da həyati əhəmiyyətli müalicə xidmətlərinin vətəndaşlar üçün daha əlçatan olmasına imkan yaradır.